ഞങ്ങളുമായി ബന്ധപ്പെടാൻ ഫോം പൂരിപ്പിക്കുക

ഉയർന്ന വിളവ്​

കുറഞ്ഞ വലിപ്പവും ഉപരിതലവിസ്തീർണ്ണവും അളവും തമ്മിലുള്ള കൂടിയ അനുപാതവും നിമിത്തം നിർണ്ണായകവളർച്ചാഘട്ടങ്ങളിൽ നാനോ ഡിഎപി ഉപയോഗിച്ച് വിത്തുകൾ സംസ്കരിക്കുന്നതും ഇലകളിൽ തളിക്കുന്നതും വിളകളിൽ പോഷകങ്ങളുടെ ലഭ്യത ഉറപ്പുവരുത്തുന്നു. അങ്ങനെ വിത്തിന്റെ കരുത്ത്, ചെടികളിലെ  ഹരിതകം,  പ്രകാശ സംശ്ലേഷണക്ഷമത, ഗുണനിലവാരം, വേരുകളിലെ ജൈവാംശം, ഗുണമുള്ള മുളകളും ശിഖരങ്ങളും എന്നിവ വർദ്ധിക്കുന്നത് വിളവർദ്ധനവിന് കാരണമാകുന്നു.

കർഷകരുടെ വരുമാനത്തിൽ വർദ്ധനവ് ​ ​ ​

കാര്ഷികവസ്തുക്കളുടെ കുറഞ്ഞ ചെലവ്, ഉയർന്ന വിളവ്, വിളകളുടെ മികച്ച ഗുണനിലവാരം എന്നിവയിലൂടെ ഇഫ്കോ നാനോ ഡിഎപി കർഷകരുടെ വരുമാനം വർദ്ധിപ്പിക്കുന്നു.

​ഗുണനിലവാരമുള്ള ഭക്ഷണം​

വിളവെടുക്കുന്ന ഭക്ഷ്യോൽപ്പന്നങ്ങളുടെ പോഷകഗുണം, മാംസ്യവും മറ്റ് പോഷകങ്ങളും കണക്കിലെടുത്താൽ മികച്ചതാണെന്ന് കണ്ടെത്തി.​

രാസവള ഉപയോഗത്തിലുള്ള കുറവ്

ഒരു കുപ്പി (500 മില്ലി) നാനോ ഡിഎപിക്ക് മെച്ചപ്പെട്ട ഉപയോഗക്ഷമത മൂലം  പരമ്പരാഗത ഡിഎപി നിറവേറ്റുന്ന ഫോസ്ഫോറസ് ആവശ്യകതയ്ക്ക് 50% പകരമാകാൻ കഴിയും. നിർണ്ണായക വളർച്ചാ ഘട്ടങ്ങളിൽ നൈട്രജൻ, ഫോസ്ഫറസ് എന്നിവയുടെ ആവശ്യകത നിറവേറ്റാൻ സഹായിക്കുകവഴി നാനോ ഡിഎപി രാസവളങ്ങളുടെ കൂടുതൽ വിവേകപൂർണ്ണമായ പ്രയോഗം സാധ്യമാക്കുന്നു.

പരിസ്ഥിതി സൗഹൃദം​

ഊർജ്ജ-വിഭവസൗഹൃദപരമായ ഉല്പാദനരീതിയാണ് നാനോ ഡിഎപിയുടേത്. ഇത് കൃഷിസ്ഥലങ്ങളിൽ പ്രയോഗിക്കുന്നത് യൂറിയ പോലുള്ള ബൾക്ക് നൈട്രജൻ വളങ്ങളുടെ അമിതപ്രയോഗം കുറയ്ക്കുകയും അതിന്റെ ഭാഗമായി ഉണ്ടാകുന്ന ബാഷ്പീകരണവും ലീച്ചിംഗും നഷ്ടങ്ങളും കുറയ്ക്കുകയും ചെയ്യുന്നു. നാനോ ഡിഎപി കൃത്യതയോടെ പ്രയോഗിച്ചാൽ മണ്ണ്, വായു, ജലം എന്നിവയുടെ മലിനീകരണം കുറയുകയും അത് കാർഷിക സുസ്ഥിരതയിലേക്കും സുരക്ഷയിലേക്കും നയിക്കുകയും ചെയ്യുന്നു. 

സംഭരിക്കാനും കൊണ്ടുപോകാനും എളുപ്പം​​

ഡിഎപി പോലുള്ള വൻതോതിൽ പ്രയോഗിക്കേണ്ടതായിട്ടുള്ള ഫോസ്ഫാറ്റിക് വളങ്ങളുമായി താരതമ്യം ചെയ്യുമ്പോൾ നാനോ ഡിഎപി ചെറിയ അളവിലേ ആവശ്യമുള്ളൂ. ഇത് വളങ്ങൾ ഒരിടത്തുനിന്നും മറ്റൊരിടത്തിലേക്ക് കൊണ്ടുപോകുന്നതിലും സംഭരണത്തിലും കാര്യമായ സ്വാധീനം ചെലുത്തുന്നു. വൻതോതിലുള്ള ഫോസ്ഫേറ്റിക് വളങ്ങളുമായി താരതമ്യപ്പെടുത്തുമ്പോൾ കർഷകർക്ക് നാനോ ഡിഎപിയുടെ കുപ്പികൾ വളരെ എളുപ്പത്തിൽ കൊണ്ടുപോകാൻ കഴിയും