आम्ही शाश्वततेवर विश्वास ठेवतो

ਨੈਨੋ ਡੀਏਪੀ (ਤਰਲ) ਇੱਕ ਨਵੀਂ ਨੈਨੋ ਖਾਦ ਹੈ ਜੋ 2 ਮਾਰਚ 2023 ਨੂੰ ਐਫਸੀਓ (1985), ਭਾਰਤ ਸਰਕਾਰ ਦੇ ਅਧੀਨ ਨੋਟੀਫਾਈ ਕੀਤੀ ਗਈ ਹੈ। ਨੈਨੋ ਡੀਏਪੀ ਫਾਰਮੂਲੇਸ਼ਨ ਵਿੱਚ ਨਾਈਟ੍ਰੋਜਨ (8.0% N w/v) ਅਤੇ ਫਾਸਫੋਰਸ (16.0% P2O5 w/v) ਸ਼ਾਮਲ ਹਨ।

• ਨੈਨੋ ਡੀਏਪੀ (ਤਰਲ) ਭਾਰਤ ਵਿਚ ਬਣੀ ਅਤੇ ਗੈਰ ਸਬਸਿਡੀ ਵਾਲੀ ਖਾਦ ਹੈ
• ਇਹ ਸਾਰੀਆਂ ਫਸਲਾਂ ਲਈ ਉਪਲਬਧ ਨਾਈਟ੍ਰੋਜਨ (N) ਅਤੇ ਫਾਸਫੋਰਸ (P2O5) ਦਾ ਇੱਕ ਕੁਸ਼ਲ ਸਰੋਤ ਹੈ। ਇਹ ਖੜ੍ਹੀਆਂ ਫਸਲਾਂ ਵਿੱਚ ਨਾਈਟ੍ਰੋਜਨ ਅਤੇ ਫਾਸਫੋਰਸ ਦੀ ਕਮੀ ਨੂੰ ਪੂਰਾ ਕਰਦਾ ਹੈ
• ਅਨੁਕੂਲ ਹਾਲਤਾਂ ਵਿੱਚ ਪੌਸ਼ਕ ਤੱਤ ਉਪਯੋਗ ਕੁਸ਼ਲਤਾ 90 ਪ੍ਰਤੀਸ਼ਤ ਤੋਂ ਵੱਧ ਹੈ
• ਇਸ ਨੂੰ ਬੀਜ ਸੋਧ ਲਈ ਇਸਤੇਮਾਲ ਕੀਤਾ ਜਾਂਦਾ ਹੈ ਜਿਸ ਨਾਲ ਬੀਜ ਛੇਤੀ ਪੁੰਗਰਦੇ ਹਨ, ਪੌਦਿਆਂ ਦਾ ਵਿਕਾਸ ਹੁੰਦਾ ਹੈ ਅਤੇ ਫ਼ਸਲ ਦੀ ਗੁਣਵੱਤਾ ਅਤੇ ਝਾੜ ਵੱਧਦਾ ਹੈ।
• ਇਹ ਰਵਾਇਤੀ ਡੀਏਪੀ ਨਾਲੋਂ ਸਸਤਾ ਹੈ ਅਤੇ ਕਿਸਾਨਾਂ ਲਈ ਕਿਫ਼ਾਇਤੀ ਹੈ
• ਫਾਸਫੇਟਿਕ ਖਾਦਾਂ ਦੀ ਜ਼ਿਆਦਾ ਵਰਤੋਂ ਨਾਲ ਹੋਣ ਵਾਲੇ ਮਿੱਟੀ, ਹਵਾ ਅਤੇ ਪਾਣੀ ਦੇ ਪ੍ਰਦੂਸ਼ਣ ਨੂੰ ਘਟਾਉਂਦਾ ਹੈ
• ਬਾਇਓ-ਸੁਰੱਖਿਅਤ ਅਤੇ ਵਾਤਾਵਰਣ-ਅਨੁਕੂਲ, ਰਹਿੰਦ-ਖੂੰਹਦ ਰਹਿਤ ਖੇਤੀ ਲਈ ਢੁਕਵਾਂ

1. ਬੀਜ ਸੋਧ: - ਬੀਜ ਦੀ ਸਤ੍ਹਾ 'ਤੇ ਪਤਲੀ ਫਿਲਮ ਬਣਾਉਣ ਲਈ 3-5 ਮਿਲੀਲੀਟਰ ਨੈਨੋ ਡੀਏਪੀ ਪ੍ਰਤੀ ਕਿਲੋ ਬੀਜ ਨੂੰ ਲੋੜੀਂਦੀ ਮਾਤਰਾ ਵਿਚ ਪਾਣੀ ਵਿਚ ਘੋਲੋ। ਇਸ ਨੂੰ 20-30 ਮਿੰਟ ਲਈ ਛੱਡੋ; ਇਸ ਨੂੰ ਛਾਂ ਵਿੱਚ ਸੁਕਾ ਕੇ ਬੀਜੋ।
2. ਜੜ੍ਹ/ਕੰਦ/ਗੁੱਲੀਆਂ ਦੀ ਸੋਧ:- ਨੈਨੋ ਡੀਏਪੀ @ 3-5 ਮਿਲੀਲੀਟਰ ਪ੍ਰਤੀ ਲੀਟਰ ਪਾਣੀ ਵਿੱਚ ਘੋਲੋ। ਇਸ ਘੋਲ ਵਿੱਚ ਜੜ੍ਹਾਂ/ਕੰਦ/ਗੁੱਲੀਆਂ ਨੂੰ 20-30 ਮਿੰਟਾਂ ਲਈ ਡੁਬੋ ਦਿਓ। ਇਸ ਨੂੰ ਛਾਂ ਵਿਚ ਸੁਕਾਓ ਅਤੇ ਫਿਰ ਟ੍ਰਾਂਸਪਲਾਂਟ ਕਰੋ।
3. ਸਪਰੇਅ:- ਫ਼ਸਲ ਵਿਚ ਪੱਤੇ ਆਉਣ ਤੋਂ ਬਾਅਦ (ਫ਼ਸਲ ਦੇ ਜਾੜ ਮਾਰਨ ਸਮੇਂ/ ਟਾਹਣੀਆਂ ਨਿਕਲਣ ਸਮੇਂ) 2-4 ਮਿਲੀਲੀਟਰ ਪ੍ਰਤੀ ਲੀਟਰ ਪਾਣੀ ਅਤੇ ਦੂਸਰੀ ਸਪਰੇਅ ਫੁੱਲ ਪੈਣ ਤੋਂ ਪਹਿਲਾਂ / ਲੇਟ ਟਿਲਰਿੰਗ ਪੜਾਅ 'ਤੇ।

ਜੇਕਰ ਛਿੜਕਾਅ ਦੇ 12 ਘੰਟਿਆਂ ਦੇ ਅੰਦਰ ਬਾਰਸ਼ ਹੁੰਦੀ ਹੈ ਤਾਂ ਇਹ ਸਪਰੇਅ ਦੁਹਰਾਉਣ ਦੀ ਸਿਫਾਰਸ਼ ਕੀਤੀ ਜਾਂਦੀ ਹੈ

ਨਹੀਂ, ਨੈਨੋ ਡੀਏਪੀ (ਤਰਲ) ਦੀ ਸਿਫ਼ਾਰਸ਼ ਫ਼ਸਲ ਦੇ ਵਿਕਾਸ ਦੇ ਮਹਤੱਵਪੂਰਨ ਪੜਾਵਾਂ 'ਤੇ ਬੀਜ ਸੋਧ ਅਤੇ ਪੱਤਿਆਂ ਦੇ ਛਿੜਕਾਅ ਵਜੋਂ ਕੀਤੀ ਜਾਂਦੀ ਹੈ।

ਨੈਨੋ ਡੀਏਪੀ (ਤਰਲ) ਦੀ ਕੀਮਤ 600 ਰੁਪਏ ਪ੍ਰਤੀ ਬੋਤਲ (500 ਮਿ.ਲੀ.) ਹੈ; ਇਹ ਰਵਾਇਤੀ ਡੀਏਪੀ ਨਾਲੋਂ ਸਸਤਾ ਹੈ।

ਡੀਏਜੀ-  ਉਗਣ ਤੋਂ ਬਾਅਦ ਦਿਨ; ਡੀਏਟੀ - ਟ੍ਰਾਂਸਪਲਾਂਟ ਕਰਨ ਤੋਂ ਬਾਅਦ ਦਿਨ​

500 ਮਿਲੀਲੀਟਰ

ਨੈਨੋ ਡੀਏਪੀ (ਤਰਲ) ਇਫ਼ਕੋ ਮੈਂਬਰ ਸਹਿਕਾਰੀ ਸਭਾਵਾਂ, (ਪੈਕਸ), ਪ੍ਰਧਾਨ ਮੰਤਰੀ ਕਿਸਾਨ ਸਮ੍ਰਿਧੀ ਕੇਂਦਰਾਂ, ਕਿਸਾਨ ਸੇਵਾ ਕੇਂਦਰਾਂ, ਇਫਕੋ ਬਾਜ਼ਾਰ ਕੇਂਦਰਾਂ ਅਤੇ ਰੀਟੇਲ ਆਊਟਲੇਟਾਂ 'ਤੇ ਉਪਲਬਧ ਹੈ। ਹੁਣ ਕਿਸਾਨ ਇਸ ਨੂੰ www.iffcobazar.in ਤੋਂ ਆਨਲਾਈਨ ਵੀ ਆਰਡਰ ਕਰ ਸਕਦੇ ਹਨ।